ဟောမုံန စက္ကရာ

မြေကမ္ဘာနှင့် လွန်စွာဝေးကွာသော အာကာသ တစ်နေရာတွင် “ဟောမုံစက္က” ဟုခေါ်သော ဂြိုလ်တစ်လုံး ရှိလေ၏။ ထိုဂြိုလ်၏ ဖွဲ့စည်းပုံ၊ ရာသီဥတု၊ ပတ်ဝန်းကျင် တို့မှာ ကျွန်ုပ်တို့ လက်ရှိနေထိုင် လျက်ရှိသော နေစကြာဝဠာ မှ အပြာရောင်ဂြိုလ်ဟု လူသိများသော မြေကမ္ဘာ နှင့် ထပ်တူထပ်မျှ တူပေ၏။ ထို ဟောမုံစက္က ဂြိုလ်တွင် လူနှင့် အလားသဏ္ဍန်တူသော လူတူသတ္တ၀ါများ နေထိုင်ကြပြီး ၄င်းတို့အား “ဟောမုံန စက္ကရာ” များဟုခေါ်တွင်ပါသတတ်။ အခြားသော ခွေးတူ၊ ကြောင်တူ၊ ကြက်တူ၊ ၀က်တူ၊ စသည်ဖြင့် မြေကမ္ဘာတွင်ရှိသော သတ္တ၀ါများ၏ အတူများ လည်းအသီးသီး ရှိကြသည်ဟူ၏။

ဟောမုံစက္က ၏ တစ်ခုတည်းသော ထူးခြားချက်မှာ တစ်ဂြိုလ်လုံးရှိ သက်ရှိသတ္တ၀ါများ သည် လိင်တူချင်းသာ အိမ်ထောင်ပြု ပေါင်းဖက် ကြပါ၏။ ယောက်ျားများ သည် ယောက်ျားများ နှင့်သာ ပေါင်းသင်းကြပြီး ယောက်ျားကလေးများ ကိုသာမွေးဖွားသန့်စင် ကြ၍ ထိုနည်း၎င်း မိန်းမများသည် လည်း မိန်းမများနှင့်သာ ပေါင်းသင်းဆက်ဆံ ကြ၍ မိန်းကလေးများကိုသာ မွေးဖွားခဲ့ကြသည်မှာ နှစ်ပေါင်း တစ်သောင်းခြောက်ထောင် ပင် ကြာမြင့်ခဲ့ပါလေ၏။ ယောက်ျားများသည် “ဂေဠ” ပြည်နယ်တွင် နေထိုင်ကြပြီး မိန်းမများမှာတော့ “လက်ဇဗုံယဏ” ပြည်နယ်တွင် နေထိုင်ကြပါသည်။ ဂေဠ ပြည်နယ် နှင့် လက်ဇဗုံယဏ ပြည်နယ်တို့ မှာ ယံဖန်ယံခါ စီးပွားရေး ကူးသန်း ကုန်သွယ်မှု ကလွဲ၍ ကင်းကင်းရှင်းရှင်း နေထိုင်ကြပါသည်။ နှစ်ပြည်နယ်စလုံး နူကလီးယား ထိပ်ဖူးတပ် ဒုံးကျည်များ အသီးသီး ပိုင်ဆိုင်ကြသော်လည်း မည်သူ့ မည်သူမျှ ရန်မစပဲ ငြိမ်းချမ်းစွာ ရှိနေခဲ့ကြပါ၏။

အပေါ်ယံကြည့်လျှင် ထိုပြည်နယ်နှစ်ခုသည် လွန်စွာသင့်မြတ်လှပေသည် ဟု ထင်ရသော်ငြားလည်း ၄င်းတို့၏ အတွင်း သဌာန် တွင်တော့ တစ်ဦးနှင့် တစ်ဦး သိပ် အစီးမကပ် ကြပေ။ ဂေဠ များသည် လက်ဇဗုံယဏ များအား အတွေးတိမ်သော သူများဟုယူဆ ကြပြီး လက်ဇဗုံယဏ များကမူ ဂေဠ များအား သေးသိမ်သော သူများဟု ပြန်လည်ယူဆထား ကြသည်ဟူ၏။ ဤကဲ့သို့ တစ်ဦးကို တစ်ဦးထင်မြင်ချက်များ ကလည်း ဟောမုံစက္က ၏ လိင်တူ အိမ်ထောင်ရေးစနစ်ကို တစ်ဖက်တစ်လမ်း က ပံ့ပိုးပေးနေသကဲ့သို့ ဖြစ်နေပေ၏။

နို့ပေသိ လွန်လေခဲ့သော လေး ငါးနှစ် ခန့်က “ပင်မလာ” ဟူသော လက်ဇဗုံယဏ လုံမပျိုနှင့် “ကစ်ယော့” ဟုခေါ်သော ဂေဠ ကာလသားခေါင်း မှ အစပြု၍ ဆန့်ကျင်ဘက်လိင်အချစ် ကို မတော်တဆ စတင်တွေ့ရှိခဲ့ ကြလေ၏။ ထိုအချိန်မှစ၍ လိင်ကွဲအချစ်မှာ တဖြည်းဖြည်းနှင့် တောမီးသဖွယ် တငြီးငြီး ကူးစက်ပြန့်ပွား လာခဲ့ပေသတည်း။ ထိုသူတို့သည် သူတို့ကိုသူတို့ “စထရိတ်” များဟု ကိုယ့်ကိုကိုယ် သတ်မှတ်၍ အခွင့်အရေးများကို စတင်တောင်းဆိုလာကြပါသည်။ ဟောမုံစက္က ဂြိုလ်လုံးဆိုင်ရာ အသင်းကြီး မှ လိင်ကွဲဆက်ဆံရေး ကို ပုဒ်ထီး၊ ပုဒ်မ၊ ပုဒ်ဂန်ဒူး၊ ပုဒ်ယောက်ျားလျာ မျိုးစုံထုတ်၍ တားမြစ်ပါသော်လည်း ထိရောက်ခြင်းမရှိခဲ့ပါဟူသတတ်။ ကျန်းမာရေးဌာနတွေရဲ့ တစ်ဖက်တစ်လမ်းက လိင်ကွဲဆက်ဆံရေးရဲ့ ဆိုးကျိုးတွေဖြစ်တဲ့ သွေးတိုး၊ နှလုံး၊ ဆီးချို ရောဂါတွေ အကြောင်း ပညာတွေပေးနေ တာတွေလည်း အချည်းအနှီးတွေ ဖြစ်ကုန်တယ်ဆိုပါစို့။ အစွန်းရောက် မဟာလိင်ဝါဒီ တွေကတော့ စထရိတ်တွေကို တွေ့ရာသချိုင်း ဒါးမဆိုင်းပဲ ကျူပင်ခုတ် ကျူငုတ်မကျန် လိုက်လံရှင်းလင်းနေကြပါ၏။

စထရိတ်များကလည်း အင်အားကို စုစည်းပြီး စထရိတ္တ ပြည်နယ်ထူထောင်ကာ စတင်နေထိုင်ကြပါသည်။ သို့သော် ဂေဠ များနှင့် လက်ဇဗုံယဏ များသည် လွန်ခဲ့သော နှစ်ကစ၍ မဟာတပ်ပေါင်းစုကြီး ဖွဲ့စည်းပြီး စထရိတ်များအား ၀င်ရောက်တိုက်ခိုက် နေခဲ့လေကြပြီ။ ဤသို့နှင် ဂြိုလ်တွင်းစစ်ကြီး မှာဆက်လက်ဖြစ်ပွားခဲ့ရပြီး နောက်ဆုံးတွင်တော့ အင်အားကြီးမားသူ အောင်စမြဲဖြစ်သော လောကနိယာမ အရ မဟာလိင်ဝါဒီများ စစ်နိုင်ခဲ့ကြသည်ဟူ၏။ စစ်ရှုံးသူ စထရိတ်များအား တစ်ယောက်မကျန် သုတ်သင်ပြစ်လိုက်ကြပါ၏။

ထိုအချိန်တွင် ရာဇ၀င်ဇာတ်လမ်းတို့၏ ထုံးစံအတိုင်း ကွပ်မျက်ခြင်း ဒါဏ်မှ တိတ်တဆိတ် လွတ်မြောက်လာသူ စုံတွဲတစ်တွဲမှာ တစ်နာရီလျင် အလင်းနှစ်ပေါင်း မြောက်များစွာ ရောက်အောင် ခရီးတွင်သည့် အာကာသယာဉ် တစ်စီး နှင့် ခရီးအပြင်းနှင်လျက် ရှိပေသည်။ ထိုအာကာသယာဉ်သည် ရာသီဥတု သမမျှတ ပုံရသည့် ဂြိုလ်ပြာ တစ်လုံးပေါ်သို့ ဆင်းသက် ရပ်နားလိုက်ပါသည်။ ယာဉ်ထဲမှ ယောက်ျား နှင့် မိန်းမ တူသူ စုံတွဲ တစ်တွဲ တစ်လှမ်းခြင်း လေးကန်စွာ ဆင်းလာနေပါ၏။ ၆လ ခန့် ထမင်းမစားခဲ့ ရသဖြင့် ချိနဲ့နေပုံရသော မိန်းမသဏ္ဍန်က တစ်စုံတစ်ခုကိုတွေ့သွားသဖြင့် ၀မ်းသာအားရနှင့် ယောက်ျားသဏ္ဍန်အား တိုးလျလျ ညုတုတု လှမ်းပြောလိုက်ပါသည်။

“အာဒမ်ရေ.. ဟိုအသီးလေး စားချင်တယ်ကွာ၊ ဧ၀ ကိုခူးပေးပါလားဟင်..”

(အိမ်မက်များဘလော့ဂ် ၂၃/၀၈/၀၆ တွင်တင်ပြီးဖြစ်သည်)